O número medio de varamentos rexistrados en Galicia é de 270 individuos/ano, considerando cetáceos, focas e tartarugas mariñas, cunha tendencia ao aumento continuo no número xeneral de varamentos, aínda que variando en función dos grupos faunísticos. A información que aportan estes casos é fundamental no relativo ao estudo da saúde das poboacións e causas de mortandade, pero tamén como aportación de mostras para estudos ecobiolóxicos, información que non é posible de obter doutro modo e sen métodos invasivos.

Un 10% dos exemplares rexístranse varados con vida e son susceptibles de ser reflotados ou rehabilitados e devoltos ao medio en bo estado, de este modo conseguiuse reintroducir o 70% das tartarugas e focas varadas vivas.

Unha das claves doéxito daa RVG é a proxección social a través de labores divulgativas e a formación de voluntariado que permite un retorno de alertas e a creación e mantemento dun equipo técnico especializado para cubrir los 1.500km de costa galega.

Os obxectivos do proxecto son:

- Realizar seguimento e ofrecer resposta aos casos de varamentos e capturas accidentais.

- Averiguar a posible causa de morte e a incidencia de impactos antrópicos.

- Asistir aos exemplares vivos mediante reintrodución directa ou traslado para rehabilitación.

- Facer seguimento do uso litoral e costeiro dos individuos susceptibles de varar ou varados reintroducidos.

- Potenciar a participación social como ferramenta fundamental para a conservación. Formación de voluntariado e sensibilización social.